只可玩已審批遊戲！PlayStation中國系統升級完成　最新版本大陸玩家將冇得再「翻牆」

繼上月PlayStation中國宣布由於系統安全升級而暫停服務後，近日終於有重開嘅消息喇！

但依個消息對一眾大陸玩家嚟講絕對係壞消息嚟～

事關系統升級後，PlayStation嘅最新7.51版本正式斷絕咗「翻牆」依個後門，不再開放玩家於PSN中可以將帳號綁定於其他地區，代表大陸玩家日後只可以玩已審批嘅遊戲喇。

Photo from PlayStation中国 /weibo

據微博網友指，當前使用嘅非中國帳號部分仲可以跨區連線，但就冇法再綁定新帳號，亦唔可以將帳號登出或關閉電源，否則就只可以以備份還原，回到舊版本進行綁定。

Photo from Weibo

另外，有大陸網友指出XBOX ONE中國版本亦有類似情況。

Photo from weibo

而因受制於嚴格嘅內容審查，遊戲想要喺大陸通過官方認證、正式開賣，並唔係咁容易，例如中國版Switch就有唔少遊戲無法通過審查，令唔少玩家只能購買水貨或數位破解版。

Photo from PlayStation中国 /weibo

睇嚟今次Playstation依個大更新，又有唔少玩家喊苦喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）